உலக நிலப்பட (Maps) நாயகன்

புவியியல் விஞ்ஞானி அல் இத்ரீஸி

அப்துல்லாஹ் முஹம்மது இப்னு முஹம்மது அல் இத்ரீஸி (கி.பி. 1100 - கி.பி. 1165) அவர்கள் முஹம்மது அல் இத்ரீஸி அல்லது  அல் இத்ரீஸி என அறியப்படுகிறார். இவர் ஒரு புவியியலாளர், எழுத்தாளர், விஞ்ஞானி, எகிப்தாலஜிஸ்ட், மற்றும் கார்ட்டோகிராபர் (மேப்புகளை வரைவர் அல்லது உறுவாக்குபவர்) ஆவார். விஞ்ஞானமும் மெய்ஞானமும் ஒருசேர ஒளிவீசிக் கொண்டிருந்த அல்-அந்தலுஸைப் (இன்றைய ஸ்பெயின்) பகுதியாகக் கொண்ட அல்மொராவித் தேசத்தில் ஸ்யூட்டோ (Ceuta) நகரில் அல் இத்ரீஸி பிறந்தார். கிறிஸ்டோபர் கொலம்பஸ் மற்றும் வாஸ்கோ டா காமா போன்ற ஆய்வாளர்கள் தங்கள் கண்டுபிடிப்புகள் மற்றும் பயணங்களுக்கு பயன்படுத்திய மிகவும் மேம்பட்ட இடைக்கால உலக வரைபடங்களில் ஒன்றான (Tabula Rogeriana) தபுலா ரோஜெரியானாவை இவர் உருவாக்கினார்.

ஆரம்ப கால வாழ்வு

        விஞ்ஞானமும் மெய்ஞானமும் ஒருசேர ஒளிவீசிக் கொண்டிருந்த அல்-அந்தலுஸைப் (இன்றைய ஸ்பெயின்) பகுதியாகக் கொண்ட அல்மொராவித் தேசத்தில் ஸ்யூட்டோ (Ceuta) நகரில் கி.பி. 1100 ஆம் ஆண்டில்  ஸ்பானிய அரபிக் குடும்பத்தில் அல் இத்ரீஸி பிறந்தார். இத்ரிஸ் இப்னு அப்துல்லாவின் வழித்தோன்றலான ஹம்மூத் வம்சத்தினரின் குடும்பத்தை சேர்ந்தவராவர். அன்றைய ‘இருண்ட கண்டமான’ ஐரோப்பாவிற்குக் கல்வி கற்றுக் கொடுத்துக் கொண்டிருந்த, கொர்தோவாவில் கல்வி கற்று, அன்றைய நாளின் மிகச் சிறந்த புவியியலாளராகத் திகழ்ந்தார்.

நிலப் பரப்புகளின் தகவல் களஞ்சியம்

        அறிவுத்தாகத்தை தணிப்பதற்காகத் தமது 16ஆவது வயதில்  ஐரோப்பா, ஆப்பிரிக்கா, மத்திய தரைக்கடல் நாடுகள் மற்றும்  மத்திய ஆசிய நாடுகளுக்குப் பயணம் செய்து பல பாகங்களில் கிடைத்த புவியியல் தகவல்களைத் திரட்டினார். இத்ரீஸுக்கு முன்பிருந்த முஸ்லிம் அறிஞர்கள் பூமியின் பரப்பைத் துல்லியமாக கணக்கிட்டிருந்தனர். சிறியதும் பெரியதுமாக அன்றைய நாடுகளின் வரைபடங்கள் (MAPS) கிடைத்தன. திரட்டிய எல்லாத் தகவல்களையும் ஒன்று சேர்த்து, அன்று அறியப்பட்ட நிலப் பரப்புகளின் தகவல் களஞ்சியத்தை ‘Nuzhat al-Mushtaq fi Ikhtiraq al-Afaq,' “நுஸ்ஹதல் முஷ்தாக்ஃபீ இக்திராக்குல் ஆஃபாக் ( நாடுகளைச் சுற்றித் திரியும் பயணிகளின் இன்பங்கள்) (The Delight of Him Who Desires to Journey Through The Climates) என்னும் சிறந்த பூகோள நூலை முதல் முறையாக உருவாக்கினார்.

அல் இத்ரீஸின் செல்வாக்கு அதிகரிப்பு

        மாலுமிகளுக்கும், கடல் வழி வியாபார கூட்டத்தினருக்கும்,  ராணுவத் தளபதிகளுக்கும் இத்ரீஸின் அறிவு இன்றியமையாததாக ஆகி அன்றைய அறிவுலகில் இத்ரீஸின் செல்வாக்கு உயர்வடைந்தது. அன்றைய கால கட்டத்தில் பிரயாணம் என்பது மிகவும் சிரமம் மற்றும் கஷ்டத்துடன் நீண்ட நாட்களாக செய்ய வேண்டிய சூழ் நிலையில் ஒவ்வொறு நாட்டினை பற்றிய விவரம் மிகவும் இன்றியமையானதாக இருந்த காரணத்தால், ஆட்சியாளர்களிடம் இருந்து அழைப்புகள் அல் இத்ரீஸிக்கு வந்த வண்ணம் இருந்தன.

ஸிசிலி அரசன் 2வது ரோஜரின் அழைப்பு

        ஸிசிலி (இன்றைய இத்தாலி)  என்ற நாட்டு அரசன்,   இரண்டாவது ரோஜரின் (King Roger II of Sicily) அரசவையிலிருந்து இத்ரீஸிக்கு அழைப்பு வந்தது. அரசன் ரோஜருக்கு அரபியும் கிரீக்கும்  சரளமாகப் பேசத் தெரியும். அவர் பொன்னும் பணமும் கொடுத்து மொத்த  உலகத்தின் வரைபடத்தை அந்தந்த நாட்டுத் தகவல்களுடன் (The beginning of Modern GIS(Geographic Information System)) வரைந்து தரும்படி அல் இத்ரீஸிடம் கேட்டுக் கொண்டார்.

‘டாபுலா ரோஜாரியான’  (Tabula Rogeriana) என்ற உலக முதல் மேப்

        அல் இத்ரீஸி அவர்கள் பரவசத்துடன் ஒப்புக் கொண்டு தனது குழுவுடன் பயணித்து, தகவல்களைத் திரட்டி பதினெட்டு வருட உழைப்பிற்குப் பின் கி.பி. 1154ஆம் ஆண்டு அன்றைய உலகின் மிகத் துல்லியமான  ‘டாபுலா ரோஜாரியான’  Tabula Rogeriana என்ற உலக வரைபடத்தை சுமார் 6 அடி விட்டமும், 450 பவுண்ட் கனமும் உள்ள வெள்ளித் தட்டில் பொறித்து அரசவையில் சமர்ப்பித்தார் இத்ரீஸி. இதுவே உலகின் முதலாவது தகவல்களுடன் கூடிய துல்லியமான மேப் (நிலப் படம்) ஆகும். அவற்றை கண்டு பெரிதும் மகிழ்ந்த அம்மன்னர் ஓர் லட்சம் வெள்ளி நாணயங்களும் ஒரு கப்பல் நிறைய விலையுர்ந்த பொருள்களும் அன்பளிப்பாக வழங்கினார் என சொல்லப்படுகிறது.

அறிவியல் வரலாற்றில் ஒரு சகாப்தம் 

        இந்தப் படைப்பு அறிவியல் வரலாற்றில் ஒரு சகாப்தம் என்று வர்ணிக்கப்படுகிறது. எந்த அளவுக்குத் துல்லியம் என்றால், இத்ரீஸியின் மேப்பில் எகிப்தின் நைல் நதியின் குறிப்பு, சுமார் எழுநூறு ஆண்டுகள் கழித்து முன்னேறிய தொழில்நுட்பத்தின் உதவியுடன் கணக்கிடப்பட்ட குறிப்புடன் பெரிய வித்தியாசமின்றி அச்சு அசலாகப் பொருந்திப் போனதுதான்! இத்ரீஸியின் இந்த மேப்தான் முதன் முதலாக ‘கிரிட்’ (grid) எனப்படும் குறுக்கும் நெடுக்குமான வரைகள் போடப்பட்டு, குறிப்பிட்ட காரணிகளின் அடிப்படையில் குறுகிய நிலப்பரப்புகளாக அடையாளப்படுத்தப்பட்ட மேப். தற்கால நவீன மேப்களின் முன்னோடி.

மேப்பின் பயன்பாடு

        இன்றும் உலகின் பல நிலப் பரப்புக்கள் இத்ரீஸியின் மேப்புடன் ஒத்துப்போகின்றன. சுமார் ஐநூறு ஆண்டுகளாக, அறிஞர்கள் இந்த மேப்பை எந்தவிதமான மாறுதலுமின்றி எல்லாத் துறைகளிலும் பின்பற்றினார்கள்!. பின்னர் கி.பி. 1592-ஆம் ஆண்டில் அது ரோமில் அச்சிடப் பட்டது. இத்ரீஸியின் இந்த அறிவை முழுமையாகப்  பயன்படுத்தும் நிலைக்கு வர  ஐரோப்பாவிற்கு சில நூற்றாண்டுகள் தேவைப்பட்டாலும், அமெரிக்காவைக் ‘கண்டுபிடிக்க’ கிளம்பிய கிரிஸ்டோபர் கொலொம்பஸ் இத்ரீஸியின் மேப்புடன்  தான் சென்றார்.

தற்கால உலக வரைபடத்துடன் எப்படி ஒத்துப் போகிறது

        Tabula Rogeriana – இத்ரீஸியின் உலக வரைபடம். தற்கால உலக வரைபடத்துடன் எப்படி ஒத்துப் போகிறது பாருங்கள்!. அமெரிக்கா அன்று ‘கண்டுபிடிக்கப்’ படவில்லை.

        இத்ரீஸியின் மேப் ஒரு சாதாரண வரைபடம் மட்டுமில்லை. நவீன கால GISஸிற்கு முன்னோடியான ஒரு தகவல் களஞ்சியம். ஒவ்வொரு நாட்டின் மீதும் அதன் தட்பவெப்ப நிலை, பயிர்கள், நீர் நிலைகள், சூரிய சந்திர நட்சத்திரத் தோற்றங்கள் முதலான தகவல்களும் அரபியில் எழுதப்பட்டிருந்தன.

        எந்த விதமான நவீன உபகரணங்களும் இல்லாத காலத்தில் இவ்வளவு துல்லியமான தகவல்களுடன் வரையப்பட்ட மேப்பைப் பற்றி ஆச்சரியப்படாமல் தற்காலப் புவியியல் துறையால் இருக்க இயலவில்லை.

அல் இத்ரீஸி அவர்கள் மறைந்தும் மங்காத புகழ்

        இவர் அம் மன்னருக்காக இன்னும் பல நூல்களையும் அரபியில் எழுதியுள்ளார். இவர் தம் நூலில் பூமி உருண்டையாக உள்ளதைக் குறிப்பிடுகிறார். இஸ்லாமிய புவியியலாளர்களான இப்னு பட்டுடா, இப்னு கல்தூன் மற்றும் பிரி ரெய்ஸ் ஆகியோரை அல்-இத்ரீஸி ஊக்கப்படுத்தினார். அவரது வரைபடம் கிறிஸ்டோபர் கொலம்பஸ் மற்றும் வாஸ்கோ டா காமா ஆகியோருக்கும் ஊக்கமளித்தது. இவர் கி.பி. 1165 இல்  (இன்றைய ஸ்பெயின்) இன் பகுதியாகக் கொண்ட அல்மொராவித் தேசத்தில் ஸ்யூட்டோ (Ceuta) நகரில் இறந்தார்.

        அல்-இத்ரீஸியின் படைப்புகள் ஐரோப்பிய எழுத்தாளர்கள் மீது ஆழமான தாக்கத்தை ஏற்படுத்தின என்வே பல நூற்றாண்டுகளாக வெளிவரும் படைப்புகளில் எல்லாம் அல்-இத்ரீஸியின் கருத்துக்கள் தொடர்ந்து பயன் படுத்தப்பட்டு வருவதை பல நூல்களில் காணலாம்.

        சிறந்த அமெரிக்கப் பல்கலைக் கழகங்களுள் ஒன்றான கிளார்க் யூனிவர்சிட்டியின் மென்பொருள் சோதனைச் சாலையில் வடிவமைக்கப்பட்ட மென்பொருள் ஒன்று, இது ஒரு புவியியல் தகவல் துறை (GIS – Geographic Information System Software)  சார்ந்த மென்பொருள். இதன் பெயர் IDRISI GIS Analysis  என வைத்து இத்ரீஸிக்கு புகழ் சேர்த்து உள்ளார்கள்.

        2019 ஆம் ஆண்டில், ஃபேக்டம் ஃபவுண்டேஷன் ஃபார் டிஜிட்டல் டெக்னாலஜி இன் கன்சர்வேஷன் அல்-இத்ரீஸி அவர்களின் உலக வரைபடத்தின் விளக்கத்தை தற்கால டிஜிட்டல் டெக்னாலஜியில் உருவாக்கி உள்ளது.

கட்டுரைகளில் (ஸல்) என்பதை ஸல்லல்லாஹு அலைஹி வஸல்லம் என்றும் (அலை) என்பதை அலைஹிஸ் ஸலாம் என்றும் (ரழி) என்பதை ரழியல்லாஹு அன்ஹு என்றும் விரிவாக வசித்து கொள்ளவும்.

புதிய வெளியீடுகள்

முஹம்மது நபி (ஸல்லல்லாஹு அலைஹி வஸல்லம்) அவர்களின் வாழ்க்கை சுருக்கம்...

அமீருல் முஃமினீன் அபூபக்ர் (ரழியல்லாஹு அன்ஹு) அவர்களின் வாழ்க்கை சுருக்கம்.

உம்முல் முஃமினீன் ஆயிஷா (ரழியல்லாஹு அன்ஹு) அவர்களின் வாழ்க்கை சுருக்கம்.

பத்ர் போர் மாபெரும் இஸ்லாமியப் போர்களில் முதலாவது போர், முழு விபரம்...

அமீருல் முஃமினீன் உமர் இப்னு அல்-கத்தாப் (ரழியல்லாஹு அன்ஹு) அவர்களின் வாழ்க்கை சுருக்கம்.

உம்முல் முஃமினீன் கதீஜா பின்த் குவைலித் (ரழியல்லாஹு அன்ஹு) அவர்களின் வாழ்க்கை சுருக்கம்.

உம்முல் முஃமினீன் உம்மு சலமா (ரழியல்லாஹு அன்ஹு) அவர்களின் வாழ்க்கை சுருக்கம்.

அமீருல் முஃமினீன் அலி (ரழியல்லாஹு அன்ஹு) அவர்களின் வாழ்க்கை சுருக்கம்.

உம்முல் முஃமினீன் ஸவ்தா பின்த் ஜம்ஆ (ரழியல்லாஹு அன்ஹு) அவர்களின் வாழ்க்கை சுருக்கம்.

உம்முல் முஃமினீன் உம்மு ஹபீபா (ரழியல்லாஹு அன்ஹு) அவர்களின் வாழ்க்கை சுருக்கம்.

உம்முல் முஃமினீன் ஜைனப் பின்த் ஜஹ்ஷ் (ரழியல்லாஹு அன்ஹு) அவர்களின் வாழ்க்கை சுருக்கம்.

உம்முல் முஃமினீன் ஸஃபிய்யா (ரழியல்லாஹு அன்ஹு) அவர்களின் வாழ்க்கை சுருக்கம்.

உம்முல் முஃமினீன் ஜுவைரிய்யா (ரழியல்லாஹு அன்ஹு) அவர்களின் வாழ்க்கை சுருக்கம்.